شروق خالد

هزيت راسي بالوافق بصعوبة. ساعة بعد الفجر، صوت عربية محمود ضرب تحت البيت. ياسين باس دماغي، وقال بصوت واطي:”ساعة.. ساعة واحدة وراددلك بالحقيقة.”مشى وقفل الباب.. سمعت صوت تكّة التكرباس، وحسيت إن قلبي نزل في رجلي.

العنوان كان بيت قديم مهجور على أطراف المنطقة الصناعية، مكان أبعد ما يكون عن عمران الناس. وصل ياسين ومحمود. العربيات مركونة بعيد. النزول كان بحذر، والمكان يسوده صمت يقطع النفس. محمود وهو حاطط إيده في جيبه وبيتطلع حواليه بتوتر:”ياسين.. المكان ده مش مريح. . أبوك عمره ما جابنا هنا زمان؟

“”ولا مرة.”دخلوا المبنى المهجور.. جدران متأكلة وشبابيك مكسورة. صوت خطواتهم كان بيرن في المكان. فجأة، صوت خشبة اتكسرت وراهم. ياسين لف بسرعة:”مين هنا؟”من وسط الضلمة، خرج راجل عجوز.. شعره أبيض كليًا، بيمشي بعكاز بس وقفته فيها كبرياء غريب.

الأكثر قراءة الان
الممرضة اللي كسرت خوف زعيم المافيا ج1 .حكايات شروق خالد
منذ 6 أيام

غنّت له فصحى من غيبوبته ج1 #حكايات_شروق_خالد
منذ أسبوع

«مربية ولاد زعيم المافيا كشفت السر اللي أخفى مرضهم سنين» ج1 #حكايات_شروق_خالد
منذ أسبوع

كان لابس بالطو قديم ومخطط، وعلى وشه ندبة قديمة من جنبه اليمين. محمود اتفاجئ:”عمي توفيق؟!”ياسين بص لمحمود بدهشة:”مين ده؟”الراجل العجوز ابتسم ابتسامة باهتة، وصوته كان أبحّ زي ما ظهر في التليفون:”أهلاً يا ياسين.. أخيرًا شفتك وإنت كبير وشايل هيبة أبوك.”ياسين قرب خطوة وعينيه مشدودة:”إنت مين؟

وليه بتتصل بيا بالليل؟ وإيه علاقتك بحادثة محمود؟”توفيق بص لمحمود وقال بثبات:”أنا الشريك القديم لأبوكم.. الراجل اللي أبوكم طرده ورمى عليه تهمة النصب زمان عشان يغطي على سر أكبر.”محمود زعق:”أبويا ما ظلمش حد! إنت اختفيت من عشرين سنة بعد ما…

“توفيق قطعه وهو بيرفع عكازه:”بعد ما أبوك اتهمني إن أنا اللي زقيت محمود من على السور عشان ألبسها لياسين؟”ياسين اتجمد مكانه.. كلماته طلعت مقطوعة:”إنت… إنت بتقول إيه؟”توفيق بص لياسين بصة كأنها سهم:”أبوك خبى عليك إنك ما زقيتش محمود. . بس ما قالكش ليه حسّ بالذنب طول حياته.

“ياسين مسكه من ياقة البالطو بعصبية:”انطق! خبى إيه تاني؟!”توفيق ما خافش، بص في عين ياسين وقال بهدوء يرعب:”يوم الحادثة.. محمود ما وقعش لوحده، ولا إنت اللي زقيته. أبوك هو اللي كان بيتخانق معايا في الجنينة على الورق، وأنا زقيته بعيد. . محمود شاف المنظر وخاف وجري ووقع من السور.

أبوك بدل ما يعترف إنه السبب في خضة ابنه.. لبّس الموضوع فيك إنت، واستغل إنك طفل ومش فاكر التفاصيل، عشان يكسر عينك وما تطالبش بحقك في شغل العيلة لما تكبر!”المكان كله اتملى بصمت قاتل.

محمود بص للراجل بذهول:”كذاب. . أبويا ما يعملش كده!”توفيق طلع ملف أوراق قديمة مصفّرة من تحت بالطوه، ورمادها تحت رجلين ياسين:”دي عقود الشركة القديمة اللي أبوكم زور توقيعي فيها واستولى على كل حاجة.. والتسجيل اللي سابهولك؟ ده ما كانش ندم يا ياسين.

. ده كان محاولة عشان ضميره يرتاح قبل ما يموت وهو عارف إن الحقيقة الكاملة معايا.”ياسين ساب ياقة الراجل.. إيديه كانت بترتعش. كل حاجة فاكرها عن حياته، كل الخوف اللي عاشه، طلع مجرد مسرحية اتعملت عشان الفلوس والسيطرة.

وفي اللحظة دي.. موبايل ياسين رن. بص للشاشة. . كان رقمي أنا. رد بصوت مكسور:”ندى…”بس الصوت اللي جاله من الناحية التانية ما كانش صوتي.. كان صوت راجل تاني، بيتنفس حنب الموبايل ويقول:”ياسين.. بلاش تصدق كل اللي بتسمعه في البيت المهجور.

. العجوز ده مش جاي يظهر الحقيقة. . ده جاي ياخد بقية تار أبوك.”ياسين صرخ في التليفون:”ندى فين؟!”الصوت رد ببرود:”ندى معايا.. لو عايزها، سيب الملفات اللي مع توفيق واطلع على الشقة القديمة فورًا.”#حكايات_شروق_خالد