طارق اشترى نصيبي قانونياً بعقد رسمي، وبقى هو الشريك الأساسي في الشركة بنسبة 50%، واستغل نفوذه وعلاقاته القوية في السوق عشان يبدأ الخطوة التانية. يوسف كان فاكر إن الموضوع آخره قضية طلاق أو قضية نفقة ومؤخر، ومكنش يعمل حساب لطارق خالص.
لكن المفاجأة نزلت عليه زي الصاعقة لما طارق طلب اجتماع مجلس إدارة طارئ في الشركة. دخل يوسف الاجتماع وهو حاطط إيده في جيبه ومغرور، ومعاه مراته سارة اللي كانت جشعة وعايزة تضمن نصيبها. بس أول ما فتح باب غرفة الاجتماعات وشاف طارق قاعد على رأس الطاولة ومستندات الشركة قدامه، وشه جاب ألوان والرعب ظهر في عينيه.
طارق بص له ببرود وقال: ـ أهلاً يا يوسف.. اقعد عشان نتعرف. أنا طارق.. الشريك الجديد صاحب الـ 50% من أسهم الشركة، والوصي على كل المديونيات والمخالفات الماليّة اللي حضرتِك ارتكبتها طول السنتين اللي فاتوا. يوسف وقّف مشدوه وقال بصوت متلعثم: ـ أنت.. أنت بتعمل إيه هنا؟ودي شركة أنا اللي بنيتها! رمى طارق الملفات قدامه على الطاولة وقال بثقة: ـ أنت مبنيتهاش.. إيناس هي اللي بنتها بفلوس أبونا، وأنا جيت أسترد الحق لأصحابه. ودلوقتي قدامك خيارين لا ثالث لهما: يا إما تبيع باقي حصتك بالثمن اللي هحدده أنا، وتخرج ب هدومك اللي عليك عشان تسدد القروض والديون اللي طالبتك بيها رسمياً، يا إما الملفات دي كلها بالاختلاسات اللي عملتها هتكون قدام النيابة العامة الصبح.
سارة صرخت فيه وطلبت منه يتصرف، لكن يوسف كان خلاص اتركب، وعرف إن اللعبة انتهت والورقة الأخيرة في إيده طارت. طارق أخد منه كل حاجة.. الشركة، والأسهم، وحتى الاسم التجاري! وقع يوسف على عقود التنازل وهو بيبكي من حسرته، وخرج من الشركة مكسور، من غير قرش واحد في جيبه، وسارة سابته في نفس اليوم لما عرفت إنه بقى حيلة أمه وأبوه.
وقفت أنا وطارق في مكتب رئيس مجلس الإدارة.. بصيت للمكان اللي كان يوسف بيتباهى بيه وبيحرمني أدخله، وابتسمت بامتنان لأخويا. طارق بصلي وقال: ـ الشاشة والأنوار دي بتاعتك أنتِ من الأول يا إيناس.. ودلوقتي الشركة دي بقت باسمك .
مرّت الأسابيع الأولى، وبدأت أسترد فيها نفسي وحياتي خطوة بخطوة. المكان اللي يوسف كان حارمني أدخله عشان “مش مقامي”، بقى هو مكتبي اللي ببدأ فيه يومي كل صباح. طبعاً البداية مكنتش سهلة، الشركة كانت محتاجة إعادة هيكلة، والموظفين كانوا مصدومين من التحول السريع، لكن وجود طارق جنبي وسنده ليا أداني القوة إني أثبت نفسي.
مسكت الإدارة المالية والتنفيذية بنفسي، واستغلت مدرستي القديمة وشهادة إدارة الأعمال اللي معايا عشان أظبط الحسابات وأوقف النزيف المالي اللي يوسف كان سببه بسبب بَذَخه واستعراضه الفارغ. في يوم، وأنا قاعدة في مكتبي وبتابع أوراق الشحنات الجديدة، دخل عليا طارق وابتسامة راحة على وشه، حط قدامي ملف أزرق وقال: ـ إيناس.
وكمان المؤخر وكل حقوقك المالية اتفرضت عليه بقوة القانون. أخدت نفس عميق.. حسيت كأن جبل كان كابس على صدري وانزاح. بصيت لـ طارق وقولتله: ـ الحمد لله يا رب.
. كدا الصفحة دي اتطوت للأبد. لكن يوسف مكنش قادر يستوعب إن النعمة راحت من إيده. أمه وأخته، اللي كانوا بيتعاملوا معايا كأني خدامة، بدأوا يلفوا على القرايب والمعارف ويحاولوا يشوهوا صورتي، ويقولوا إني “قويّة مفترية” أكلت حق جوزها ورمته في الشارع.
بس محدش كان بيسمعلهم؛ لأن الكل كان عارف الحقيقة، وعارف إن الفلوس من الأول كانت ورث أبويا. في يوم بالليل، وأنا نازلة من الشركة وركبت عربيتي الجديدة، لقيت شخص واقف جنب الباب، هدومه مبهدلة ووشه شاحن وذابل.. كان يوسف.
الأكثر قراءة الان
لن تكن نهايتي
منذ 6 أيام
سر في ح.ضن الغريب نورهان العشري
منذ 3 أيام
حكايات رشا خالد
منذ أسبوعين
أول ما شافني قرب بلهفة، ومسك في باب العربية وهو بيبصلي بنظرات ترجي وانكسار عمره ما أظهرها قبل كده: ـ إيناس.. أرجوكي اسمعيني! أنا غلطت، أنا كنت أعمى والغرور عماني! سارة سابتني وأخدت الشوية اللي حيلتي وخلعت، وأمي تعبانة ومش معاي فلوس لدواها..
إيناس أنتِ أصلك طيب وعمرك ما كنتِ قاسية، اديني فرصة ثانية أصلح كل اللي عملته! بصيت له من وراء زجاج العربية.. مكنش جوايا كره ولا غل، كان جوايا شيء أشد قسوة: “اللامبالاة”. بصيت في عينيه ببرود تام وقولتله بصوت حاسم: ـ يوسف.
. أنت زمان قولتلي إن الأماكن دي مش ليا، وإن مقامي أكون خدامة لأختك وأمك. النهاردة أنا بفرّجك إن المقام ده أنت اللي اخترته لنفسك بأفعالك. الفلوس اللي أخدتها مني رجعت لأصحابها، والفرصة اللي بتطلبها أنت ضيعتها يوم ما بعت اللي صانتك عشان مظاهر كدابة.
رفعت زجاج العربية وشغّلت الموتور، وسبته واقف في ضلام الشارع بيتحسر على اللي ضيعه من إيده. تمر الأيام، والشركة بتكبر وبتحقق أرباح غيرسبقة، وبقى اسمي يتردد في السوق كواحدة من أنجح سيدات الأعمال. قدرت أرجع كرامتي، وأثبت لنفسي وللدنيا كلها إن الست لما تقرر تقف على رجلها بعد الكسرة، مفيش قوة في الدنيا تقدر تهدّها تاني.
